ඇමරිකාවේ නාසා අයාතනය වෙතින් මෙහෙයවන අඟහරු ගවේෂණ මෙහෙයුමකට ශ්රී ලාංකික තරුණියක් එක් වී සිටින බව වාර්තා වෙනවා.
ඒ අනුව ආචාර්ය පියුමි විජේසේකර එළැඹෙන ජුනි 24 වෙනිදා අඟහරු වෙත යැවෙන අභ්යවකාශ මෙහෙයුමට එක් වනු ඇති අතර ඇය සමඟ ශ්රී ලංකා ධජය ද අඟහරු වෙත යැවෙන බව සඳහන්.ඇය එම ගමන සඳහා ශ්රී ලංකා ධජයෙන් සැරසුණු ඇඳුමකින් සැරසී එහි යනු ඇති බව සඳහන් වෙනවා.
එම මෙහෙයුම සඳහා සිව්දෙනකුගෙන් යුත් කණ්ඩායමක් එක්වන බව ද ඉන් තිදෙනකුම ආසියාතිකයන් වීම විශේෂත්වයක් බව ද අමෙරිකා එක්සත් ජනපදයේ නාසා ආයතනය පවසා තිබෙනවා.
ඔවුන් දින 45ක් මෙම අභ්යවකාශ මෙහෙයුමට එක්වන අතර, ඔවුන් මෙලෙස එක්වන්නේ අඟහරු ග්රහයා මත වාසය කිරීමට අදාළ පරීක්ෂණයකට වන අතර, සඳ, අඟහරු සහ ඉන් ඔබ්බට වන ගැඹුරු අභ්යවකාශ මෙහෙයුම් සඳහා ගගනගාමීන් යැවීමට පෙර එහි තත්ත්වයන්ට අනුගත වන ආකාරය අධ්යයනය කිරීම මෙහිදී සිදුවන බව ද නාසා ආයතනය ප්රකාශ කර තිබෙනවා.
මෙම මෙහෙයුමට එක්වන ආචාර්ය පියුමි විජේසේකර නාසා ආයතනයේ විද්යාඥවරියක ලෙස කටයුතු කරන අතර ඇය ජෛව ඉංජිනේරු විද්යාවෙන් උසස් අධ්යාපනය ලැබූ අයෙකි.
