අතිවිශාල ජනතා සහභාගිත්වයකින් ඊයේ (30) හිඟුරක්ගොඩ දී පැවති ජාතික ජන බලවේගයේ ගොවි රැළියට පොලිස් විශේෂ කාර්ය බලකාය ඇතුළු පොලිසියේ විශේෂ ආරක්ෂාවක් ලැබී තිබුණු බව වාර්තා වෙනවා.
පෙර නොවූ විරූ ආකාරයේ ආරක්ෂාවක් ලැබීම මෙහි දී කැපී පෙනුණ අතර මාළිමාවට හිතවාදීන් පවසන්නේ අනාගත ජනාධිපතිවරයා වෙත ලබාදිය යුතු ආරක්ෂාව පිළිබඳ පොලිසිය සහ ත්‍රිවිධ හමුදාවේ සහයෝගය එයින් පෙන්නුම් කරන බවයි.
පොලිසිය සහ විශේෂ කාර්ය බලකායේ නිලධාරීන් සෑම අස්සක් මුල්ලක්ම හා ජනතාවට අසුන් ගැනීමට වෙන් කරන ලද ආසනයෙන් ආසනයට පරීක්ෂා කරමින් දැඩි සහයෝගයක් රැලිය පැවැත්වීම සඳහා ලබා දෙන ආකාරය ඇතැම් යූ ටියුබ් නාළිකා ඔස්සේ ද වාර්තා කර තිබුණා.
මෙවැනි ආරක්ෂාවක් ලබාදීම සම්බන්ධයෙන් ජනතාව විමුක්ති පෙරමුණේ නායකයින් අතර බියක් පවතිනවා.
ආණ්ඩුව උවමනාවෙන්ම ජනාධිපතිවරයා සහ මාලිමාව අතර සම්බන්ධයක් පවතින බවට ජනතාව අතර හඟවන්න මෙය කරන බවයි ඔවුන් පවසන්නේ.
