ශ්‍රී ලංකාවේ ඉදිරි ජනාධිපතිවරණය පැවැත්වීම පිළිබඳව ජාත්‍යන්තර අවධානය යොමු වී ඇති අතර, යුරෝපා සංගමය දැනටමත් සිය විශේෂඥයින් භූමියේ තත්ත්වය පිළිබඳ පූර්ව මැතිවරණ තක්සේරුවක් සඳහා යොදවා ඇති බව ආරංචි මාර්ග පවසයි.
ශ්‍රී ලංකාවේ ජාතික මැතිවරණ නිරීක්ෂණය කිරීම සඳහා මැතිවරණ නිරීක්ෂකයින් යෙදවීම සාමාන්‍ය තත්ත්වයක්.
ඔවුන් රට තුළ නිදහස් හා සාධාරණ මැතිවරණ ක්‍රියාවලියක් සහතික කරන්නේද යන්න තහවුරු කර ගැනීම සඳහා පූර්ව මැතිවරණ තක්සේරු කිරීම් ද සිදු කරනු ලබනවා.
කෙසේ වෙතත්, එය මේ වසරේ විශේෂ වැදගත්කමක් ගන්නේ ශ්‍රී ලංකාව ප්‍රථම වරට අපේක්ෂකයින්ගේ මැතිවරණ වියදම් නිරීක්ෂණය කිරීම සඳහා ප්‍රචාරක මූල්‍ය පනත ක්‍රියාත්මක කිරීමට යන බැවිනි.
නව නීතිය ක්‍රියාත්මක කිරීම පසුගිය කාලයේ ශ්‍රී ලංකාවේ මැතිවරණ නිරීක්ෂණය කළ යුරෝපා සංගමයේ විශේෂඥයන්ගේ නිර්දේශයක් ද වී තිබුණා.
යුරෝපා සංගම් නියෝජිත පිරිස තමන් හමුවූ බව මැතිවරණ කොමිසමේ සභාපති ආර්.එම්.ඒ.එල් රත්නායක මහතා තහවුරු කර තිබෙනවා.
මැතිවරණය ප්‍රකාශයට පත් කිරීමෙන් පසු මැතිවරණ පැවැත්වීම නිරීක්ෂණය කිරීම සඳහා දල් විද්වත් කණ්ඩායමක් දිවයිනට පැමිණෙන බව ඔහු පවසා සිටියා.
