එළැඹෙන ජනාධිපති මැතිවරණයේ දී පොදු ජන පෙරෙමුණේ සහයෝගය ජනාධිපති රනිල් වික්රමසිංහ මහතා වෙත ලබා දෙන්නේ සමගි ජන බලවේගයේ මන්ත්රීන් විසි දෙනෙක් එක්සත් ජාතික පක්ෂයට ලබා ගැනීමට හැකි වුවහොත් පමණයි යනුවෙන් මේ දිනවල ප්රචාරය වන ප්රකාශය පිළිබඳ පාර්ලිමේන්තු මන්ත්රී නාමල් රාජපක්ෂ අදහස් පළ කළා.
එහි දී ඔහු පැවසුවේ සජබ මන්ත්රීන් විස්සක් රැගෙන ඒම මෙන්ම ප්රතිපත්ති පිළිබඳව ද සලකා බැලිය යුතු බවයි.
පොදු ජන පෙරමුණ රනිල් වික්රමසිංහ මහතාට සහයෝගය ලබා දී ඇත්තේ පැහැදිලිවම ඊලඟ මැතිවරණය තෙක් පමණක් බව ඔහු සඳහන් කළා.
එමෙන්ම එක්සත් ජාතික පක්ෂය නම් කරන තෙක් පොදු ජන පෙරමුණේ අපේක්ෂකයා නම් නොකිරීමට පක්ෂය ගෙන ඇති ප්රතිපත්තිය පිළිබඳව මාධ්ය විමසුමකට පිළිතුරු දෙමින් ඔහු මෙසේ පවසා සිටියා.
” අපි පැහැදිලිව නියමිත වෙලාවට අපේ අපේක්ෂකයා නම් කරනවා. ඒ වුණත් අපට යුතුකමක් තියෙනවානේ. දැන් එතුමා ධූරයේ ඉන්න කාලෙ එතූමව දාන්නෙ නෑ කිව්වොත් මොකද වෙන්නෙ. ආණ්ඩුව කඩන් වැටෙනවනේ”
