රී ලංකා පොදු ජන පෙරමුණේ මහනුවර දිස්ත්‍රික් පාර්ලිමේන්තු මන්ත්‍රීවරුන් වන මහින්දානන්ද අලුත්ගමගේ සහ ගුණතිලක රාජපක්ෂ අතර බහින්බස් වීමක් දුර දිග යාම අවසානයේ ගුටි බැට හුවමාරුවක් සිදු වීමෙන් තුවාල ලැබූ ගුණතික රාජපක්ෂ මන්ත්‍රීවරයා කොළඹ යුධ හමුදා රෝහලට ඇතුළත් කර තිබෙනවා.
ආණ්ඩු පක්ෂ මන්ත්‍රි කණ්ඩායම් රැස්වීමේ දී මහනුවර ප්‍රදේශයේ ගැටලුවක් සම්බන්ධයෙන් ඇති වූ බහින්බස් වීමක් ගැටුමට හේතු වූ බව පැවසෙනවා.
ගැටුමෙන් මන්ත්රීවරයාගේ පාදයකට තුවාල සිදු වී ඇති බවයි සඳහන් වන්නේ.
මේ පිළිබඳ මහින්දානන්ද අලුත්ගෙදර මහතාගෙන් කළ විමසීමක දී ඔහු පවසා ඇත්තේ තමා අදාළ මන්ත්රීවරයාගේ කොළරයෙන් ඇල්ලීමක් සිදු කළත් පහර දීමක් සිදු නොකළ බවත් අවශ්‍ය නම් අදාළ ස්ථානයේ CCTV පරීක්ෂා කළ හැකි බවයි.
මේ වෙලාවේ බම්බු පනත් අකුලාගෙන ජනතාවගේ යහපතට වැඩ කරන්නැයි තමා ප්‍රකාශ කළබවත් එම අවස්ථාවේ ආණ්ඩුවේ කණ්ඩායම් රැස්වීමේ ඔහුගේ කතාව කොළඹ දිස්ත්‍රික් මන්ත්‍රී මධුර විතානගේ විසින්ද අනුමත කළ බව ඔහු ප්‍රකාශ කරනවා.
කෙසේ වෙතත් ආණ්ඩු පක්ෂ මන්ත්‍රී කණ්ඩායම් රැස්වීමේ දී පවිත්‍රා වන්නිආරච්චි සහ මධුර විතානගේ අතර ද බහින්බස් වීමක් සිදු වී ඇතැයි සඳහන් වෙනවා.
