ජාතික ජන බලවේගයේ නායක අනුර කුමාර දිසානායක මහතා සහ සමගි ජන බලවේගයේ නායක සජිත් ප්‍රේමදාස මහතා සහභාගීවන ‘තුලාව’ වැඩසටහන හෙට රාත්‍රී 10.00 ට විකාශය වීමට නියමිතව තිබෙනවා.
යෝජිත රූපවාහිනී විවාදය සඳහා ITN නාළිකාවේ තුලාව වැඩසටහන වෙන් කර ඇති බවත් ඒ සඳහා අවශ්‍ය HD මැදිරිය ඇතුළු සියලු පහසුකම් සැපයීමට සූදානම් බව ස්වාධීන රූපවාහිනිය ඊයේ (04) දෙපාර්ශවය වෙතම දැනුම් දී තිබුණා.
ස්වාධීන රූපවාහිනී සේවයේ සභාපති නීතිඥ සුදර්ශන ගුණවර්ධන විසින් දෙපාර්ශවයන් වෙතම යොමු කර ඇති එම ලිපිය අනුව මේ වන විට මුළු රටම බලා සිටි විවාදය විකාශය කිරීමට සියලු කටයුතු සූදානම් බව ආරංචි මාර්ග සඳහන් කරයි.
ඒ අනුව හෙට රාත්‍රී 10.00 සිට ITN තුලාව වැඩසටහන අපගේ ලක්වාහිනී යූ ටියුබ් නාළිකාව ඔස්සේ විකාශය කිරීමට ද සියලු කටයුතු සූදානම් කර අවසන්.
එමෙන්ම බහුතරයක් සමාජ මාධ්‍ය සහ යූ ටියුබ් නාළිකා ද එම වැඩසටහන සජීවිව විකාශය කිරීමට කටයුතු සූදානම් කර ඇති බව වැඩිදුරටත් වාර්තා වෙනවා.
