මීට වසර පහළවකට පෙර ඕස්ට්‍රේලියාවේ මොනෑෂ් විශ්වවිද්‍යාලයේ ශාඛාවක් ලංකාවේ ස්ථාපිත කිරීමට කටයුතු කළ අවස්ථාවේ ජනතා විමුක්ති පෙරමුණ ඊට එරෙහි වී එළවා දැමීම නිසා රටට ලැබීමට නියමිත විශාල ධනස්කන්ධයක් වැළකී ගිය බව විදේශ කටයුතු අමාත්‍ය මනූෂ නානායක්කාර මහතා පවසනවා.
එම අවස්ථාව නැති කරමින් ජනතා විමුක්ති පෙරමුණ රටේ ආර්ථිකය ඝාතනය කළ බවට ඔහුට චෝදනා කරනවා.
මොනෑෂ් විශ්වවිද්‍යාලය ඒ අවස්ථාවේ නතර කරගත්‍තා නම් IMF යාමට ද අවශ්‍යතාවක් ඇති නොවන බව ඔහු කියා සිටියා.
ඉන් පසු මොනෑෂ් විශ්වවිද්‍යාලය එම ශාඛාව මැලේසියාවෙහි ස්ථාපිත කිරීමට කටයුතු කළ බවත් අද වන විට මැලේසියාව අධ්‍යපානයේ කේන්ද්‍රස්ථානයක් බවට පත් ව ඇති බවයි ඔහු පවසන්නේ.
“අද මැලේසියාවේ සම්පූර්ණ ආදායම ඩොලර් මිලියන 40 ක්. මේ වෙනකොට මේ විශ්වවිද්‍යාල පද්ධතිය නිසා හම්බවෙලා තියෙනවා මාලේසියාවට.ලංකාවට ලැබුණු අවස්ථාව තමයි ලංකාවේ ආර්ථික ඝාතකයෝ ටික පයින් ගහල එළවලා දැම්මෙ”
