ශ්රී ලංකා ක්රිකට් ක්රීඩකයකුට විස්සයි 20 තරගයක් සඳහා ක්රිකට් ආයතනය අමෙරිකානු ඩොලර් 4,000ක් (ශ්රී ලංකා රුපියල් ලක්ෂ 12ක්) ගෙවනු ලබද්දී නේපාල ක්රිකට් කණ්ඩායමේ ක්රීඩකයකුට විස්සයි 20 තරගයක් සඳහා ගෙවනු ලබන්නේ නේපාල රුපියල් 5,000ක (ශ්රී ලංකා රුපියල් 11,340ක) මුදලක් පමණක් බව වාර්තා වෙනවා.
ඉන්දීය ක්රිකට් පාලක මණ්ඩලය එරට ක්රිකට් කණ්ඩායමේ ක්රීඩකයකුට විස්සයි20 තරගයක් සඳහා ඉන්දීය රුපියල් ලක්ෂ 3ක (ශ්රී ලංකා රුපියල් ලක්ෂ 11ක්) ගෙවීමක් කරනු ලබයි.
නේපාල ක්රිකට් පාලක මණ්ඩලය සිය ක්රීඩකයන්ට එක් එක්දින තරගයක් සඳහා ගෙවනු ලබන්නේ නේපාල රුපියල් 10,000ක (ශ්රී ලංකා රුපියල් 22,680) මුදලකි.
ඉන්දීය ක්රීඩකයකුට ටෙස්ට් තරගයක් සඳහා රුපියල් ලක්ෂ 15ක් (ශ්රී ලංකා රුපියල් ලක්ෂ 55ක්), එක්දින තරගයක් සඳහා රුපියල් ලක්ෂ 6ක් (ශ්රී ලංකා රුපියල් ලක්ෂ 22ක්) ගෙවයි.
එයට අමතරව විදෙස් සංචාරවලදී හෝටල් පහසුකම් ඇතුළු සියලු පහසුකම්වලට අමතරව වෙනම දෛනික දීමනාවක් ද ලබා දෙනවා. ටෙස්ට් ක්රිකට් ක්රීඩාවට ක්රීඩකයන් දිරිගැන්වීම උදෙසා පසුගියදා ශ්රී ලංකා ක්රිකට් ගෙවීම් වැඩි කළ අතර, ඒ අනුව ක්රීඩකයෙකුට දින පහේ ටෙස්ට් තරගයක් සඳහා හිමි වූ මුදල අමෙරිකානු ඩොලර් 15,000ක්. (ශ්රී ලංකා රුපියල් ලක්ෂ 44ක්)
ඉන්දියාව හා ශ්රී ලංකාව මෙන් නේපාලයේ ක්රිකට් ක්රීඩකයන්ගේ වාර්ෂික කොන්ත්රාත්තුව කාණ්ඩ තුනකට බෙදා ඇති බව සඳහන්.
ඇ ශ්රේණියේ ක්රීඩකයන්ට නේපාල මුදලින් වසරකට රුපියල් 720,000ක් (ශ්රී ලංකා රුපියල් ලක්ෂ 16ක්) ගෙවද්දී ඉන්දියාවේ ඇ ශ්රේණියේ ක්රීඩකයකුට වසරකට ඉන්දීය රුපියල් කෝටි 7ක් (ශ්රී ලංකා රුපියල් කෝටි 26ක්) ගෙවනු ලබයි. ශ්රී ලංකාවේ ඇ ශ්රේණියේ ක්රීඩකයකුට වසරකට අමෙරිකානු ඩොලර් ලක්ෂයක් (ශ්රී ලංකා රුපියල් කෝටි 3ක්) හිමි වෙනවා.
නේපාල ක්රිකට් කණ්ඩායම විස්සයි20 ලෝක කුසලාන තරගාවලියේදී නෙදර්ලන්තය සමඟ තරගයෙන් කඩුලු 6ක පරාජයක් ලැබූ අතර නේපාලය මීළඟ තරගය අනිද්දා (12) ශ්රී ලංකාව සමඟ තරග වැදීමට සූදානමින් සිටිනවා.
