ජනාධිපතිවරයාගේ වැය ශීර්ෂය වෙනුවෙන් තවත් අමතරව රුපියල් කෝටි 875ක පරිපූරක මුදලක් ගෙවිය යුතු බවට වූ යෝජනාවක් මේ වන විට පාර්ලිමේන්තුවේ න්‍යාය පුස්තකයට ඇතුළත් කර ඇති බව වාර්තා වෙනවා.
පාර්ලිමේන්තුවේ අනුමැතිය සඳහා මෙම යෝජනාව ලබන 18 වැනිදා ඉදිරිපත් කිරීමට නියමිතයි.
මෙම වර්ෂයේ දෙසැම්බර් 31 වන දිනෙන් අවසන් වන මුදල් වර්ෂයේ ප්‍රයෝජනය සඳහා රජයේ ඒකාබද්ධ අරමුදලෙන් හෝ රජයට අයත් අනෙකුත් ඕනෑම අරමුදලකින් හෝ මුදලකින් හෝ රජය ගන්නා ඕනෑම ණය මුදලකින් හෝ මෙම මුදල ගෙවිය යුතු බවටයි එම යෝජනාවේ සඳහන් වෙනවා.
මෙම යෝජනාවට අමාත්‍ය මණ්ඩලයේද අනුමැතිය ලැබී ඇති බවයි වාර්තා වන්නේ.
මෙම යෝජනාව ඉදිරිපත් කරනු ලැබ ඇත්තේ අග්‍රාමාත්‍ය රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍ය දිනේෂ් ගුණවර්ධන විසිනි.
