රඹුක්කන ප්රදේශයේ ආයුර්වේද ආයතනයක සම්භාහනයක් අතරතුර ඉරාන ජාතික කාන්තාවකට ලිංගික අතවරයක් වූ බවට ලැබුණු පැමිණිල්ලක් අනුව කෑගල්ල පොලිස් ස්ථානය විමර්ශනයක් ආරම්භ කර තිබෙනවා.
ඇය සංචාරයක් සඳහා පසු ගිය සතියේ ශ්රී ලංකාවට පැමිණ ඇති අතර පසුගිය 07 වෙනිදා රඹුක්කන ප්රදේශයේ පිහිටි ආයුර්වේද පංචකර්ම මධ්යස්ථානය වෙත පැමිණ ඇති බවයි ඇය පොලිසිය වෙත පවසා ඇත්තේ.
ප්රතිකර්ම කරන අවස්ථාවේ එහි සේවකයකු ඇයට අතවර කර ඇති බවට ඇය පොලිසිය වෙත පැමිණිලි කර තිබෙනවා.
ඒ අනුව එම ආයතනයේ සේවය කළ අවුරුදු 47ක පුද්ගලයෙකු අත් අඩංගුවට ගෙන ඊයේ (09) අධිකරණයට ඉදිරිපත් කර ඇති බව පොලිසිය පවසනවා.
