මලාවි රාජ්යයේ උප ජනාධිපති Saulos Chilima සහ තවත් 9 දෙනෙකු රැගත් ගුවන් යානයක් අතුරුදන් වී ඇති බව ජනාධිපති කාර්යාලය නිවේදනයක් නිකුත් කරමින් පවසා තිබෙනවා.
මලාවි ආරක්ෂක බලකායේ ගුවන් යානය සඳුදා උදෑසන Lilongwe අගනුවරෙන් පිටත් වූ පසු රේඩාර් පද්ධතියෙන් ඉවතට ගොස් ඇතැයි එම නිවේදනයේ දක්වනවා.
ගුවන් යානය රටේ උතුරේ Mzuzu ජාත්යන්තර ගුවන්තොටුපළට ගොඩබෑමට නියමිතව තිබූ බව එහි සඳහන් වෙනවා.
ජනාධිපති Lazarus Chakwera මේ සම්බන්ධයෙන් අදහස් දක්වමින් පවසා ඇත්තේ සෝදිසි කිරීම් සහ ගලවා ගැනීමේ මෙහෙයුමක් අඛණ්ඩව සිදුවන බවයි.
“සොල්දාදුවන් තවමත් භූමියේ සෝදිසි කිරීම් සිදු කරන අතර යානය සොයා ගන්නා තෙක් මෙහෙයුම දිගටම කරගෙන යා යුතු බවට මම දැඩි නියෝග ලබා දී තිබෙනවා.” එය “හදවත කම්පා කරවන තත්වයක්” බව ඔහු පවසා තිබෙනවා.
ජනාධිපතිවරයා සඳුදා සවස සැලසුම් කර තිබූ බහමාස් වෙත ඔහුගේ ගුවන් ගමන ද අවලංගු කර ඇති බවයි වාර්තා වන්නේ.
