යෝජිත ආරෝපිත කුලී ආදායම් බද්ද ක්‍රියාත්මක කරන්නේ සාමාන්‍ය ආදායම් ලබන්නන් සඳහා නොව ඉහළ වත්කම් සහිත පුද්ගලයින් කෙරෙහි බව මුදල් අමාත්‍යාංශය නිවේදනය කර තිබෙනවා.
ඒ අනුව සමාජයේ ඉහළ ධනවතුන්ට පමණක් බද්ද අය වන අයුරින් බදු පැනවීම රජයේ අපේක්ෂාවයි.
ජ්‍යාත්‍යන්තර මූල්‍ය අරමුදලේ ශ්‍රී ලංකාව සඳහා වන සිව් අවුරුදු විස්තීර්ණ මූල්‍ය පහසුකම් වැඩසටහනේ දෙවැනි සමාලෝචල්නයෙන් අනුව ප්‍රකාශයට පත් කෙරුණු IMF Country Report 24/161 වාර්තාවට අනුව ආරෝපිත කුලී ආදායම් බද්දක් යෝජනා කර තිබුණා.
ශ්‍රී ලංකාවේ අදායම් ඉහළ නැංවීම එහි අරමුණයි.
නිවසක හිමිකරුවෙකු නිවසක් කුලියට ලබා දෙන්නේ නම් ඔහු හෝ ඇය ලබා ගන්නා ආදායම මත රජයට බදු මුදලක් අය කර ගැනීම මෙමඟින් සිදු කිරීමට නියමිතයි.
