වව්නියාවේ සිට කිලෝමීටර් 23ක් ඔබ්බෙන් රිච්ටර් මාපකයේ 2.3ක ප්රබලත්වයෙන් යුත් සුළු භූ කම්පනයක් වාර්තා වූ භූ විද්යා සමීක්ෂණ හා පතල් කාර්යාංශය තහවුරු කර තිබෙනවා.
භූ විද්යා සමීක්ෂණ හා පතල් කාර්යංශය සඳහන් කළේ, ඊයේ (18) රාත්රී 10.55 – 11.10 අතර කාලසීමාව තුළ මෙම භූකම්පනය සිදුව ඇති බවයි.
වව්නියාව, මැදවච්චිය ඇතුළු ප්රදේශවලට මෙම භූකම්පනය දැනී ඇති බව සඳහන්.
භූ විද්යා සමීක්ෂණ හා පතල් කාර්යංශය සඳහන් කළේ, මෙම භූකම්පනය පල්ලකැලේ, මහකනදරාව සහ හක්මන යන භූකම්පන මධ්යස්ථානවල සටහන් ඇති බවයි.
වව්නියාව ප්රදේශවාසීන් භූකම්පනය සම්බන්ධයෙන් මෙලෙස පැහැදිලි කර තිබුණා.
“ළමයි දෙන්නා පාඩම් කර කර හිටියේ. එතපාරම අමුතු සද්දයක් ආවා. මේසේ උඩ තිබුණ ඒවා හෙල්ලිලා ගියා. අපිට ඇත්තටම බය වුණා සෑහෙන්න. විනාඩි 3ක් වගේ තිබුණා.”
“පොළොව යටින් මොකක්ද යනවා වගේ දැනුනේ. මහා විශාල ශබ්දයක් ආවා. නිදාගෙන හිටිය කාමරේ ජනේල් දෙදරුවා. ලොකු දෙදරීමක්…”
“අපි නිදාගන්න ලෑස්තිවෙලා හිටියේ. එකපාරම අකුණු සැරක් වෙගේ සද්දයක් එක්ක ජනෙල් හෙල්ලුණා. පොළොවත් ගොඩක් හෙල්ලුණා. අපි හිතුවා ගල්කොරියක වගේ බ්ලාස්ට් එකක් කියලා.”
