ජාතික ජන බලවේගය මේ දිනවල විවිධ ක්ෂේත්‍රවල ප්‍රවීණයින්,විශේෂඥයින් සමඟ එක්ව රට හදන සැලැස්ම පිළිබඳ සාකච්ඡා කරමින් සිටින බව එම පක්ෂයේ ජාතික විධායක සභික නලින්ද ජයතිස්ස මහතා පවසනවා.
එම සැලැස්ම අනුව සංචාරක ව්‍යාපාරය ගොඩ නැගීම ප්‍රමුඛ ආර්ථික ඉලක්කයක් බව ඔහු සඳහන් කර තිබෙනවා.
ඒ අනුව ජාතික ජන බලවේගයේ රජයක ශ්‍රී ලංකාව දවස් 365 ම සංචාරකයින් පැමිණෙන ගමනාන්තයක් බවට පත්වනු ඇති අතර වසරකට ලක්ෂ 40 ක සංචාරකයින් ගෙන එමින් ඩොලර් මිලියන 8500 ක් සංචාරක ව්‍යාපාරයෙන් උපද්දවන බව ඔහු ප්‍රකාශ කළා.
“ඒක කරන්න පුළුවන්. අපේ සංචාරකයෝ ඇවිත් රාත්‍රීන් 12 ක් විතර ගත කරනවා. හැබැයි වියදම් කරන මුදල අතිශයින් අඩුයි. ඩොලර් සාමන්‍යයෙන් 120 ක් විතර. ඊටත් වඩා අඩුද මන්දා. හැබැයි තායිලන්තයට ගියාම ගොඩක් දවස් ඉන්නෙ නෑ. දවස් තුනයි හතරයි. මැලේසියාවේ ඊටත් අඩුයි. හැබැයි එක දවසට වියදම් කරනව ඩොලර් විශාල ප්‍රමාණයක්. ඩොලර් 400-500 වියදම් කරනවා. අපි ගෙන්නගන්න ඕන කරල තියෙනව අන්න එහෙම අත දිග ඇරල වියදම් කරන්න පුළුවන් සංචාරකයෝ. ඒකට වැඩ පිළිවෙලක් ඕන”
ශ්‍රී ලංකා ඉතිහාසයේ මෙතෙක් අත් නොදුටු දේශපාලන සංස්කෘතියක් නිර්මාණය කරන බව ද ඒ මහතා වැඩිදුරටත් ප්‍රකාශ කර තිබෙනවා.
සම්පූර්ණ කතාව මෙතැනින්:
