රුපියල් කෝටියක වටිනාකමකින් යුත් මැණික් ගලක් බව අගවමින් ආණමඩුව නගරයේ ව්‍යාපාරිකයකුට ව්‍යාජ පාෂාණයක් අලෙවි කිරීමට සුදානම් වු දෙදෙනෙකු අත්අඩංගුවට ගත් බව ආණමඩුව පොලීසිය පවසනවා.
ආණමඩුව පරමාකන්ද ගම්මානයෙ පදිංචි අවුරුදු 34 හා 38 හැවිරිදි විවිධ ජාවාරම් වලට සම්බන්ධ බව සැකකරන දෙදෙනෙකු මෙලෙස අත් අඩංගුවට පත්ව තිබෙනවා.
මෙම පුද්ගලයින් දෙදෙනා විසින් මීට පෙරද මෙම ව්‍යාපාරිකයාට පසුගිය අප්‍රේල් මාසයේ දී ද මෙලෙසම මැණීක් ගල් තොගයක් පෙන්වමින් එය මිළදි ගැනිමට ආණමඩුව නගරයට පැමිණ සිටියදී ඔහු සතුව තිබු රුපියල් ලක්ෂ 10 කට ආසන්න මුදලක් රැගෙන පලා ගොස් ඇති බව සඳහන්.
එම සිද්දිය සම්බන්ධයෙන් පොලිසියට කිසිදු පැමිණිල්ලක් කර නොතිබු පසුබිමක නැවත වෙනත් දුරකථන අංකයකින් නිධානයකින් ගොඩ ගත් බව පවසා ඇතැයි පොලිසිය පවසනවා.
මිළදි ගැනිමට අවශ්‍යම නම් මුදල්ද රැගෙන එන්නැයි අදාළ පුද්ගලයින් දෙදෙනා ව්‍යාපාරිකයට පවසා ඇත්තේ ඉන් අනතුරුවයි.
පෙර සිදුවීම හේතුවෙන් මතු වූ සැකයක් අනුව මෙම ව්‍යාපාරිකයා ආණමඩුව සහකාර පොලිස් අධීකාරිවරයා දැනුවත් කර මෙම වැටලීම සිදු කළ බවයි පොලිසිය වැඩි දුරටත් සඳහන් කරන්නේ.
