කොළඹ නගරයේ ස්ථාන රැසක ඊයේ රාත්රියේ විශේෂ දැන්වීමක් අලවා තිබෙන අයුරු දක්නට ලැබෙනවා.
එම පෝස්ටරයේ සඳහන් වන්නේ ‘ආරංචිය සුභයි.. පොහොට්ටුවෙන් අපේක්ෂකයෙක්’ යනුවෙනි.
ඊට පෙර දින රට පුරා අලවන ලද පෝස්ටරයක දැක්වුනේ ‘ආරංචිය සුබයි’ යනුවෙනි.
ඒ අද දිනයේ මෙරට විදෙස් ණය ප්රතිව්යුහගත කිරීමේ ගිවිසුම්වලට එළැඹීම හා ජනපති රනිල් වික්රමසිංහ මහතා රට බංකොලොත්භාවයෙන් නිදහස් කළ බවට කිරීමට නියමිත ප්රකාශයට සමගාමීවයි.
කෙසේ වෙතත් අලුත් පෝසටරයෙන් කියැවෙන්නේ ඊට ප්රතිවිරුද්ධ කතාවකි.
මෙය පොහොට්ටුවේ අපේක්ෂකයා ජනාධිපති රනිල් වික්රමසිංහ මහතා බවට නිල වශයෙන් ප්රකාශයට පත් කිරීමකට සමගාමීව අලවන ලද්දක් විය හැකි නමුත් ඒ පිළිබඳ කිසිදු ප්රකාශයක් ආණ්ඩුව මෙතෙක් සිදු කර නැහැ.
මෙම පෝස්ටරය කොළඹ නගරය පුරා අලවා ඇති ආකාරය දක්නට ලැබුණා.
