රාජකාරී ස්ථානයක තමන් යටතේ සේවය කළ තරුණ ලිපිකාරිනියගේ අකැමැත්ත නොතකා
අවස්ථා තුනකදී ඇයව අයුතු ලෙස ස්පර්ශ කිරීම, ඇයගේ දෙතොල් හා මුහුණ සිප ගැනීම හා ඇයව වැලඳ ගැනීම යන චෝදනා තුනකට වරදකරු කරනු ලැබූ ප්රධාන පෙළේ ඉහළ නිලධාරියකුට අභියාචනාධිකරණය පෙරේදා 24දා බරපතළ වැඩ සහිත වසර හතක සිරද`ඩුවම් නියම කර තිබෙනවා.
වින්දිත තරුණියට රුපියල් හත්ලක්ෂ පනස් දහසක වන්දියක් ගෙවන ලෙසට ද රුපියල් 75,000ක තවත් දඩයක් ද සම්පත් බී. අබේකෝන් හා පී. කුමාරරත්නම් යන විනිසුරු මඩුල්ල විත්තිකරුට නියම කරනු ලැබුවා.
එම වන්දිය හා දඩය නොගෙවන්නේ නම් අමතර වසර දෙකහමාරක සිරදඩුවම් විත්තිකරුට ලබාදීමට විනිසුරු මඩුල්ල නියම කළා.
අභියාචනාධිකරණය මෙම දඬුවම නියම කරනු ලැබුවේ ත්රිකුණාමලය ප්රදේශයේ පිහිටි ප්රධාන පෙළේ පෞද්ගලික ආයතනයක මානව සම්පත් කළමනාකරුවකු ලෙස සේවය කරන මෙම පුද්ගලයා 59 හැවිරිදි විවාහක පුද්ගලයකුට එරෙහිවයි.
