ඇඟිලි සලකුණු යන්ත්‍රය ද නොසලකා ව්‍යාජ වේලාවන් සටහන් කර තැපැල් දෙපාර්තමේන්තුවේ සේවකයින් පිරිසකට කෝටි හයකට ආසන්න අතිකාල දීමනා නීති විරෝධීව ගෙවා ඇති බව විගණන කාර්යාලය නිකුත් කළ නවතම වාර්තාවකින් හෙළිදරව් කර තිබෙනවා.
මෙලෙස අතිකාල දීමනා ගෙවා ඇත්තේ දෙපාර්තමේන්තුවේ ඇඟිලි සලකුණු යන්ත්‍රය ද නොසලකා පැමිණීමේ හා පිටවීමේ වේලාවන් නිවැරදිව ගණනය නොක්‍රමිනි.
ඒ අනුව සවස 4.15 ට තැපැල් මූලස්ථානයෙන් පිටව ගිය නිලධාරීන්ට රත්‍රී 7,8,9,10 දක්වා අතිකාල දීමනා ගෙවා ඇතැයි විගණන වාර්තාවේ දැක්වෙනවා.
මේ හේතුවෙන් අතිකාල දීමන ගෙවීම් පිළිබඳ නිරවද්‍යතාව විගණනය කළ නොහැකි වූ බව වාර්තාවෙන් පවසා තිබෙනවා.
මේ අතර රජයේ වාහනවල රාජ්‍ය ලාංඡනය යෙදීම අනිවාර්ය වුවත් තැපැල් දෙපාර්තමේන්තුවේ වාහන 123 ක රාජ්‍ය ලාංඡ්නය සටහන් කර නොතිබූ බව ද විගණන වාර්තාවෙන් නිරීක්ෂණය කර තිබෙනවා.
මෙම තොරතුරු ඇතුළත් වන්නේ තැපැල් දෙපාර්තමේන්තුවේ 2023 වාර්ෂික වාර්තාවට ඇතුළත් කරනු ලැබූ විගණන වාර්තාවේ ය.
