විකිලීක්ස් නිර්මාතෘ ජුලියන් අසාන්ජ් ඕස්ට්‍රේලියාවේ සිර ගෙයින් නිදහස් වීම සැමරීම සඳහා ඔහුගේ ආධාරකරුවන් සිඩ්නි හි එක්සත් ජනපද කොන්සල් ජනරාල් කාර්යාලයෙන් පිටත රැස් වූ බව විදෙස් මාධ්‍ය වාර්තා කර තිබෙනවා.
ඔවුන් ෂැම්පේන් හා විවිධ ආහාර වර්ග බෙදා ගනිමින් සතුට සැමරූ අතර අසාන්ජ් අධිකරණ භූමියෙන් පිටතට පැමිණෙන විට ජය ඝෝෂා පැවැත් වු ආකාරය මාධ්‍ය වාර්තාවල දැක ගත හැකියි.
අසාන්ජ් පිළිබඳ ඕස්ට්‍රේලියාවේ මහජන මතය විටින් විට බෙදී ඇති නමුත් මෑත වසරවලදී ඔහුට සහයෝගය දැක්වීමේ කැපී පෙනෙන නැගීමක් ඇතිව තිබෙනවා.
අග්‍රාමාත්‍ය ඇන්තනි ඇල්බනීස් 2022 දී බලයට පත් වූ දා සිට ඔහු නිදහස් කිරීම වෙනුවෙන් පෙනී සිටි අතර, විශාල ද්විපාර්ශ්වික නීති සම්පාදකයින් පිරිසක් පසුගිය සැප්තැම්බරයේ වොෂින්ටනයට ගොස් එක්සත් ජනපද සගයන්ට බලපෑම් කළ බව සඳහන් වෙනවා.
මේ අතර දේශීය වේලාවෙන් අද සවස 21:15 (GMT 11:15) ට ඕස්ට්‍රේලියාවේ අගනුවර වන කැන්බරා හි මාධ්‍ය හමුවක් පැවැත්වීමට සැලසුම් කර ඇති බව විකිලීක්ස් නිවේදනය කර තිබෙනවා.
එම සංවිධානය පවසා ඇත්තේ එය නගර මධ්‍යයේ පිහිටි තරු හතරේ හෝටලයක පැවැත්වෙන බවයි.
කෙසේ වෙතත් අසාන්ජ් එම මාධ්‍ය හමුවේ පෙනී සිටීමට හෝ කතා කිරීමට සැලසුම් කරන්නේද යන්න මෙතෙක් වාර්තා වී නැහැ.
