නිරූපිකාවක් වන පියුමි හංසමාලි අලෙවි කළ රූපලාවන්ය නිෂ්පාදන බෙදාහැරීමේ ආයතනයේ හිමිකරු ප්රකාශයක් සටහන් කර ගැනීම සඳහා අද(27) පොලිසියට කැඳවා ඇති බව පොලිස් මාධ්ය ප්රකාශක ජ්යේෂ්ඨ පොලිස් අධිකාරී නීතීඥ නිහාල් තල්දූව මහතා පවසනවා.
ඇයගේ නීති විරෝධී වත්කම් පිළිබඳ ලැබී ඇති චෝදනා අනුව අපරාධ පරීක්ෂණ දෙපාර්තමේන්තුව මේ වන විටත් පරීක්ෂණ ආරම්භ කර ඇති අතර ඒ අනුව විවිධ පුද්ගලයින්ගෙන් ප්රකාශ ලබා ගැනීම සිදු කරන බවයි ඒ මහතා සඳහන් කළේ.
ඊට අදාළ කට උත්තරයක් ලබා දීම පියුමි හංසමාලිගේ රූපලාවන්ය නිෂ්පාදන බෙදා හරින සමාගමේ හිමිකරු ප්රතික්ෂේප කිරීම හේතුවෙන් අධිකරණ නියෝගයක් ලබා ගැනීමට සිදු වුණා.
එම අධිකරණ නියෝගය අනුව බෙදාහැරීමේ සමාගමේ හිමිකරුගෙන් ප්රකාශය ලබා ගැනීම අද දිනයේ සිදු කරන බව ඒ මහතා වැඩිදුරටත් සඳහන් කර තිබෙනවා.
