හිටපු පාර්ලිමේන්තු මන්ත්‍රිනී හිරුණිකා ප්රේමචන්ද්ර මහත්මියට කොළඹ මහාධිකරණ විසින් බරපතළ වැඩ සහිත වසර තුනක සිර දඬුවම් නියම කර තිබෙනවා.
ඒ, දෙමටගොඩ ප්‍රදේශයේ වෙළෙඳසැලක සේවය කළ තරුණයකු පැහැරගෙන ගොස් අයුතු ලෙස සිරකර තැබීමේ චෝදනාව සම්බන්ධයෙන් වරදකරු කරමිනි.
කොළඹ මහාධිකරණ විනිසුරු අමල් රණරාජ මහතා විසින් තීන්දුව ප්‍රකාශයට පත් කර තිබෙනවා.
2018 වසරේ දෙසැම්බරයේදී දෙමටගොඩ ප්‍රදේශයේදී තරුණයකු පැහැරගෙන යෑම සම්බන්ධයෙන් හිරුණිකා ප්රේමචන්ද්ර ඇතුළු පිරිසකට නීතිපතිවරයා විසින් කොළඹ මහාධිකරණය හමුවේ අධි චෝදනා ගොනු ඉදිරිපත් කර තිබුණා.
මීට පෙර මෙම නඩුව සම්බන්ධයෙන් චෝදනා ලබා සිටි සෙසු සැකකරුවන් අට දෙනකු අධිකරණය හමුවේ වරද පිළිගනු ලැබුවා.
අධිකරණයේ අද දිනයේ ලබා දුන් මෙම තීන්දුවත් සමග හිරුණිකා ප්රේමචන්ද්ර මහත්මියට ඉදිරි පාර්ලිමේන්තු මැතිවරණයට තරග කිරීමේ අවස්ථාව අහිමිවීමේ ඉතා ඉහළ ඉඩකඩක් පවතින බව ද සඳහන් වෙනවා.
