හිරු ටීවී ප්රවෘත්ති අංශයේ ප්රවෘත්ති සංස්කාරක ලෙස කටයුතු කළ මාධ්යවේදී නිරෝෂ් මෛත්රි මහතා එම තනතුරින් අනීතිකව ඉවත්කිරීමේ නඩුවෙන් රෙනෝ ද සිල්වාගේ Asia Broadcasting Corporation (pvt) ltd ආයතනය පරාජයට පත්ව තිබෙනවා.
ඔහු සේවයෙන් නෙරපා හැරීමේ දී පාලනාධිකාරිය ඔහු වෙත එල්ල කළ චෝදනා කිසිවක් සාක්ෂි සහිතව ඔප්පු කිරීමට ආයතනය සමත් වී නැතැයි මෙම තීන්දුව දෙමින් අධිකරණය දෙමින් ප්රකාශ කළා.
ඔහුට එරෙහිව නගා තිබූ චෝදනා ආයතනයේ පාලනාධිකාරිය විසින් කිසිදු පදනමකින් තොරව හිතලුවක් ලෙසින් නගා ඇති බවයි එහි දී අධිකරණය සඳහන් කළේ.
ඒ අනුව වගඋත්තරකාර Asia Broadcasting Corporation සමාගම මාධ්යවේදී නිරෝෂ් මෛත්රි මහතාට සිදුවූ අසාධාරණය වෙනුවෙන් රුපියල් ලක්ෂ 135 ක මුදලක් ගෙවිය යුතු බවට නියෝග කර තිබෙනවා.
තීන්දුව ප්රකාශයට පත්කරමින් විනිසුරුවරයා සදහන් කළේ එළැඹෙන අගෝස්තු මස 02 වැනිදා දක්වා අභියාචනා කිරීමේ කාලයක් වගඋත්තරකාර පාර්ශවයට හිමිවන අතර ඒ දක්වා අදාළ වන්දි මුදල අධිකරණයේ තැන්පත් කළ යුතු බවයි.
