කොළඹ දිස්ත්‍රික්කය නියෝජනය කරන හිටපු පාර්ලිමේන්තු මන්ත්‍රීනි හිරුණිකා ප්‍රේමචන්ද්‍රගේ නිර්දෝෂීභාවය සම්බන්ධයෙන් සමගි ජන බලවේගය අභියාචනාධිකරණය හමුවට යාමට කටයුතු කරන බව එම පක්ෂයේ මහ ලේකම් රංජිත් මද්දුම බණ්ඩාර මහතා පවසනවා.
2015 වසරේදී ඩිෆෙන්ඩර් රථයකින් තරුණයෙකු පැහැර ගැනීමේ සිදුවීමට අදාළව වසර තුනක සිර දඬුවමක් නියම වීමත් සමඟ එළැඹෙන පාර්ලිමේන්තු මැතිවරණයට ඉදිරිපත් වීමට ද නොහැකි වන බවත් ඇගේ දේශපාලන අනාගතය අවසන් වීමට නියමිත බවටත් මත පළ කෙරුණා.
ඒ පිළිබඳ අදහස් දක්වමින් සමගි ජන බලවේගයේ මහලේකම්වරයා පැවසුවේ අභියාචනය සිදු කිරීමත් සමඟ ඇයටල් නාමයෝජනා ලබා දීමට කිසිදු බාධාවක් නැති බවයි.
සිර දඬුවම් ලැබීමත් සමඟ හිරුණිකා ප්‍රේමචන්ද්‍ර මහත්මිය අද (28) සවස වැලිකඩ නව මැගසින් බන්ධනාගරය වෙත රැගෙන විත් තිබෙනවා.
