බරපතළ වැඩ සහිත වසර තුනක සිර දඬුවම් නියම වූ හිටපු පාර්ලිමේන්තු මන්ත්රිනී හිරුණිකා ප්රේමචන්ද්ර මහත්මිය වැලිකඩ නව මැගසින් බන්ධනාගාරයට පැමිණි අවස්ථවේම ඇය වෙත සිරකරුවන් සඳහා ලබා දෙන ඇඳුම ලබා දී ඇති බව බන්ධනාගාර ආරංචි මාර්ග සඳහන් කරයි.
ඒ අනුව ඇයට සුදු පැහැති රෙද්දක් සහ හැට්ටයක් නියම වී ඇති බව එම ආරංචි මාර්ග පවසනවා.
බන්ධනාගාර දෙපාර්තමේන්තුව පවසන පරිදි ඇය මේ වන විට වැලිකඩ කාන්තා බන්ධනාගාරයේ ආර් වාට්ටුවේ රඳවා සිටී.
ඇය බන්ධනාගාරගත කිරීමෙන් පසු වෛද්ය වාර්තාවක් ලබා ගැනීම සඳහා වෛද්යවරයෙකු වෙත ද ඉදිරිපත් කරනු ලැබුවා.
දෙමටගොඩ ප්රදේශයේ වෙළඳසැලක සේවය කළ තරුණයකු පැහැරගෙන ගොස් අයුතු ලෙස සිරකර තැබීමේ චෝදනාවට වරදකරු කරමින් හිටපු පාර්ලිමේන්තු මන්ත්රිනී හිරුණිකා ප්රේමචන්ද්රට පසුගිය දා කොළඹ මහාධිකරණ විසින් බරපතළ වැඩ සහිත වසර තුනක සිර දඬුවම් නියම කෙරුණා.
ඒ, දීර්ඝ නඩු විභාගයකින් අනතුරුවයි.
එම නඩු තීන්දුව ප්රකාශයට පත් කළේ කොළඹ මහාධිකරණ විනිසුරු අමල් රණරාජ මහතා විසිනි.
ඒ අනුව විත්තිකාර හිරුණිකා ප්රේමචන්ද්ර චෝදනා 18 කට වරදකාරිය කෙරුණා.
එම එක් එක් චෝදනාවට රුපියල් 20,000 බැගින් දඩ නියම කරන බවත් විනිසුරවරයා විසින් එහිදී නියෝග කරනු ලැබුවා.
එම දඩ මුදල් ගෙවීම පැහැර හැරියහොත් එක් චෝදනාවකට මාස 06 බැගින් සිර දඬුවම් නියම කරන බවත් එම නියෝගයේ සඳහන්ය.
කෙසේවෙතත් ලබාදුන් දඬුවමට එරෙහිව හෙට අභියාචනයක් ඉදිරිපත් කරන බව හිරුණිකා ප්රේමචන්ද්රගේ නීතිඥවරු පවසනවා.
