ණය අර්බුදය හේතුවෙන් අත්හිටුවා ඇති ව්යාපෘති නැවත ආරම්භ කිරීම සඳහා Chaina Export and Import Bank(EXIM) බැංකුවෙන් ඇ.ඩො.බිලියන 1.5කට වැඩි ණය මුදලක් ලබා ගැනීමට ශ්රී ලංකාව සූදානම් වෙමින් සිටින බව වාර්තා වෙනවා.
පසුගිය සතියේ ප්රංශය, ඉන්දියාව සහ ජපානය විසින් සම සභාපතිත්වය දරන පැරිස් සමාජය ප්රමුඛ නිල ණය හිමියන්ගේ කමිටුව සමඟ අවබෝධතා ගිවිසුමකට එළැඹීමට සමගාමීව ශ්රී ලංකාව චීනයේ EXIM බැංකුව සමඟද ණය ප්රතිව්යුහගත කිරීම සම්බන්ධයෙන් ගිවිසුමකට එළැඹුණා.
වසර තුනකට වැඩි කාලයක් ප්රමාද වී ඇති කඩවත – මීරිගම අධිවේගී මාර්ගය ඉදිකිරීම සඳහා වන මුදල් ද ලබා ගත හැකි ණය අතර වනු ඇති බව භාණ්ඩාගාර ජ්යෙෂ්ඨ නිලධාරියෙක් පවසා තිබෙනවා.
නැවතී තිබූ තවත් මාර්ග ව්යාපෘති ගණනාවක් මුදල් මුදාහැරීමත් සමඟ ආරම්භ කිරීමට නියමිතයි.
මහාමාර්ග අමාත්ය බන්දුල ගුණවර්ධන මාධ්ය වෙත පවසා ඇත්තේ ඇමෙරිකානු ඩොලර් බිලියන 1.5ක අගුලු හැරීමේ ප්රතිඵලයක් ලෙස ලබන වසරේ මාර්ග ව්යාපෘතිවලින් බහුතරයක් ක්රියාත්මක කළ හැකි වනු ඇති බවයි.
ඔවුන් ලබන මාසයේ චීනයේ EXIM බැංකුව සමඟ සාකච්ඡා ආරම්භ කරන බවත්, පළමු වාරිකය මාස දෙකක් ඇතුළත ලබා ගැනීමට බලාපොරොත්තු වන බවත් ඔහු සඳහන් කර තිබෙනවා.
මහාමාර්ග අමාත්යාංශය ද පසුගිය ගංවතුරෙන් සේදී ගිය පාලම් සහ මාර්ග ප්රතිසංස්කරණය සඳහා රුපියල් මිලියන 20 මුදලක් නිදහස් කරන ලෙස ඉල්ලා ඇති අතර තවත් රුපියල් මිලියනල් 40ක් අවසන් කළ ව්යාපෘති සඳහා හිඟ වැටුප් ගෙවීම් වශයෙන් ඉල්ලා ඇති බව සඳහන්.
භාණ්ඩාගාර නිලධාරියා වැඩිදුරටත් පවසන්නේ ව්යාපෘති සඳහා නව කොන්දේසි සාකච්ඡා කිරීමට සිදුවනු ඇති බවයි.
