තරුණයෙකු පැහැරගෙන යාමේ සිද්ධියක් සම්බන්ධයෙන් වරදකාරිය වූ හිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර මහත්මියට වසර තුනක සිරදඬුවමක් නියම කළ තීන්දුවට එරෙහිව අභියාචනයක් ඉදිරිපත් කරන තෙක් නීතීඥයින් ඇප අයැදුම්පතක් ගොනු කිරීමට සූදානම් වන බව වාර්තා වෙනවා.
ඉදිරි සතිය තුළ ඇප අයදුම්පත ගොනු කිරීමට නියමිතයි.
දෙමටගොඩ ප්‍රදේශයේ වෙළෙඳසැලක සේවය කරමින් සිටි තරුණයකු පැහැරගෙන ගොස් නීතිවිරෝධී ලෙස රඳවා තබා ගැනීමේ චෝදනාවට වරදකරු වූ ප්‍රේමචන්ද්‍ර මහත්මියට කොළඹ මහාධිකරණ විනිසුරු අමල් රණරාජා මහතා වසර තුනක බරපතළ වැඩ සහිත සිර දඬුවමක් නියම කළා.
එහි දී ඇයට එරෙහි චෝදනා 18කට ඇය වැරදිකරු වුණා.
