වත්මන් ජනාධිපති රනිල් වික්රමසිංහ මහතා එළැඹෙන ජනාධිපතිවරණයේ දී නියත වශයෙන් පරාජයට පත්වන බව පෙනීයාම නිසා ජනාධිපති කාර්ය මණ්ඩලයේ සේවයේ නියුතු බොහෝ දෙනෙකු මේ වන විට විවිධ රටවල් ඉලක්ක කරමින් වීසා අයදුම් කිරීමේ උත්සහයක නිරත වෙමින් සිටින බව අභ්යන්තර ආරංචි මාර්ග පවසනවා.
ඒ අතර ජනාධිපති කාර්ය මණ්ඩලයේ ඉහළ තනතුරු සහ පහළ තනතුරු දරන සේවකයින් ද සිටින බවයි එම ආරංචි මාර්ග සඳහන් කළේ.
එම සේවක කණ්ඩායමට ජනාධිපති මාධ්ය අංශයේ නිලධාරීන් ද ඇතුළත්.
ඔවුන්ගේ පොදු මතය වී ඇත්තේ ජනාධිපතිවරයාට කිසිසේත්ම ඉදිරි ජනාධිපතිවරණය ජයග්රහණය කිරීමට තබා ඒ අසලටවත් පැමිණීමේ හැකියාවක් නොමැති බවයි.
එමෙන්ම ජනාධිපතිවරයා සිය කාර්ය මණ්ඩලවලට පවා සංවේදී නොමැති නායකයකු ලෙස අභ්යන්තර නිලධාරීන් අතර ඔහුගේ ඇතැම් ක්රියාකලාපයන් පිළිබඳ ඇත්තේ දැඩි අප්රසාදයක් බව ද තතුදත් ආරංචි මාර්ග පවසනවා.
ජනාධිපති රනිල් වික්රමසිංහ මහතා පසුගිය දා තමා ටයිටැනික් නැව බේරාගෙන ගොඩට ගෙන ආ බව සඳහන් කළ නමුත් ඔහුගේ ළඟම සේවකයින් පවා මේ වන විට ගිලෙන නැවෙන් පැනීමට උත්සහ කරමින් සිටීම තුළ ඔහු මේ වන විටත් පරාජය වී ඇති බව තහවුරු වෙමින් පවතී.
