කොළඹ ජාත්යන්තර පාසලක ඉගෙනුම ලබන 15 හැවිරිදි ගැහැණු දරුවෙක් හා පිරිමි දරුවෙක් ඊයේ (ජුලි 02) සවස කොම්පඤ්ඤ වීදියේ ඇල්ටෙයාර් මහල් නිවාස ගොඩනැගිල්ලේ 67 වැනි මහලෙන් පැන සියදිවි හානිකරගෙන තිබෙනවා.
පොලිසිය පවසන්නේ මියගිය සිසුන් දෙදෙනා අය වැල්ලවත්ත සහ කැලණිය ප්රදේශවල පදිංචිකරුවන් බවයි.
පොලිස් පරීක්ෂණවලට අනුව මෙම සිසුන් දෙදෙනාම ජාත්යන්තර පාසලේ එකම පන්තියේ ඉගෙනුම ලබන අතර පාසල් වේලාවෙන් පසු එම ගොඩනැගිල්ලේ පැවති සාදයකට සහභාගී වී තිබෙනවා.
මෙම සාදයට සිසුන් 100ක් පමණ පැමිණ සිටි බව වාර්තා වෙනවා.
සිසුන් දෙදෙනා 67 වැනි මහලෙන් බිමට පැන ඇති බව පරීක්ෂණවලින් හෙළි වූ අතර පොලිසියට ඔවුන්ගේ සිරුරු හමුවන්නේ 3 වැනි මහලෙනි.
සිසුන්ගේ පාවහන් 67 වන මහලේ තිබී පොලිසිය සොයා ගත්තා.
මෘත ශරීර පශ්චාත් මරණ පරීක්ෂණය සඳහා කොළඹ ජාතික රෝහලට යවා තිබෙනවා.
සිද්ධිය සම්බන්ධයෙන් කොම්පඤ්ඤ වීදිය පොලිසිය වැඩිදුර පරීක්ෂණ පවත්වනු ලබනවා.
