දයාසිරි ජයසේකර මාළිමාවට එක් වේ

මිල්කෝ සහ NLDB ගොවිපළ විකිණීමට එරෙහිව කොළඹ කොටුව දුම්රිය ස්ථානය ඉදිරිපිට මේ වන විට පැවැත්වෙන උද්ඝෝෂණයට ශ්‍රී ලංකා නිදහස් පක්ෂයේ පාර්ලිමේන්තු මන්ත්‍රී දයාසිරි ජයසේකර එක් වී තිබෙනවා.

මෙම උද්ඝෝෂණය පැවැත්වෙන්නේ සමස්ත ලංකා ගොවිජන සම්මේලනයේ නාමල් කරුණාරත්න මහතා ඇතුළු ජාතික ජන බලවේගයේ නායකයින් රැසකගේ ප්‍රධානත්වයෙන්.

ජාතික ජන බලවේගයේ පාක්ෂිකයන් පිරිසක් දයාසිරි ජයසේකර මන්ත්‍රීවරයා මෙම අවස්ථාවට එක් වීම පිළිබඳ විරෝධතාවය ප්‍රකාශ කළ ආකාරය ද මෙහි දී දැකගත හැකි වුණා.