හලාවත – කොළඹ ප්රධාන මාර්ගයේ මාදම්පේ ප්රදේශයේදී අද (04) අලුයම සිමෙන්ති පටවාගත් ලොරියක් සහ මගී ප්රවාහන බස් රථයක් එකිනෙක ගැටීමෙන් සිදුවූ අනතුරකින් මගීන් 25 දෙනෙකු තුවාල ලබා රෝහල් ගත කර තිබෙනවා.
පොලීසිය පැවසුවේ, තුවාල ලැබූවන් හලාවත රෝහලට ඇතුළත් කර ඇති බවයි.
රෝහල් ආරංචි මාර්ග සඳහන් කරන ආකාරයට තුවාල ලැබූ කිහිප දෙනෙකු බරපතල තත්ත්වයේ පසු වෙයි.
දේවාල හන්දියේ සිට හලාවත හරහා කොළඹ බලා ධාවනය වූ මගී බස් රථයට වේගය පාලනය කරගත නොහැකිව එම දිශාවටම ධාවනය වූ සිමෙන්ති පටවාගත් ලොරි රථයේ ගැටීමෙන් මෙම අනතුර සිදු වුණා.
සිද්ධියෙන් බස් රථයට හා ලොරියට දැඩි අලාභ හානි සිදුව තිබෙනවා.
මාදම්පේ පොලිසිය වැඩිදුර පරීක්ෂණ පවත්වයි.
