නිරූපණ ශිල්පිනි පියුමි හංසමාලිගේ කෝටි ගණනින් මුදල් ඉපයූ බව කියන සම පැහැපත් කරවන ක්රීම් වර්ගයේ අලෙවි කර ඇති ප්රමාණය “ක්රීම් පැක්” 3500 ක් පමණක් බව එම ක්රීම් අලෙවි කරනු ලැබූ කුරියර් සේවාවේ ප්රධානියා අපරාධ පරීක්ෂණ දෙපාර්තමේන්තුව හමුවේ පවසා තිබෙනවා.
නමුත් පියුමි හංසමාලි ප්රසිද්ධ මාධ්ය හමුවේ කියා තිබුණේ එකක් රුපියල් 35,000ක් වටිනා ක්රීම් වර්ග පාර්සල් 25,000ක් කුරියර් සේවය හරහා තමන් අලෙවි කළ බවයි.
එම ක්රීම් අලෙවියෙන් තමන් රුපියල් කෝටි 87ක් උපයා ගත් බවද ඇය පසුගිය දා මාධ්ය හමුවේ ප්රකාශ කළා.
අපරාධ පරීක්ෂණ දෙපාර්තමේන්තුව පවසන්නේ පියුමි හංසමාලි කුරියර් ආයතන දෙකක් හරහා මෙම ක්රීම් වර්ග අලෙවි කර ඇති බවයි.
ඉන් එක් ආයතනයක හිමිකරු ඇතුළු සේවකයන් සිව් දෙනකුගෙන් ප්රකාශ සටහන් කර ගත් අතර අනෙක් කුරියර් ආයතනයේ හිමිකරුවන්ගෙන් ද ප්රශ්න කිරීමට කටයුතු කරන බව අපරාධ පරීක්ෂණ දෙපාර්තමේන්තු ආරංචි මාර්ග සඳහන් කර තිබෙනවා.
මේ අතර පියුමි හංසමාලිට අයත් බැංකු ගිණුම් සියල්ල ද මේ වනවිට පරීක්ෂා කරගෙන යන අතර එම විමර්ශන කටයුතුවලින් අනතුරුව ඇයගෙන් ප්රශ්න කිරීමට කටයුතු කරන බව ද අපරාධ පරීක්ෂණ දෙපාර්තමේන්තු ආරංචි මාර්ග පවසයි.
ඉපයූ ආකාරය හෙළි කළ නොහැකි රුපියල් කෝටි ගණනක මුදලක් පියුමි හංසමාලි විසින් උපයාගෙන ඇති බවට සමාජ ක්රියාකාරිකයකු වන සංජය මහවත්ත සිදු කළ පැමිණිල්ලකට අනුව මෙම විමර්ශන ආරම්භ කෙරුණා.
