ඉදිරි ජනාධිපතිවරණය සඳහා තරග වැදීමට නියමිත වත්මන් ජනාධිපති රනිල් වික්‍රමසිංහ මහතාගේ ජයග්‍රහණය ඉලක්ක කර කොළඹ දිස්ත්‍රික්කයේ කාර්යාල එක්දහස් දෙසීයක් ආරම්භ කරන බව එම පක්ෂයේ ජාතික ලේකම් රවී කරුණානායක මහතා පවසනවා.
මෙම කාර්යය දින දහයක කාලයක් ඇතුළත ඉටු කරන බවයි ඔහු සඳහන් කරන්නේ.
මෙම ජනාධිපතිවරණයේදී සෙසු පක්ෂ සමග එක්වී දිස්ත්‍රික්කයේ පෙරළියක් සිදු කරමින් වික්‍රමසිංහ මහතාට විජයග්‍රහණයක් ලබා ගැනීමට මැතිවරණ මෙහෙයුම ක්‍රියාත්මක කරන බවද ඔහු සඳහන් කළා.
රනිල් වික්‍රමසිංහ මහතා නිර්පාක්ෂික පොදු අපේක්ෂක වශයෙන් ජනාධිපතිවරණය ඉදිරිපත් වීමට සියල්ල සූදානම් බව ද ඔහු කියා සිටියා.
ඉදිරි මාසය පුරාම දෛනිකව මැතිවරණ රැලි පැවැත්වීමට සැලසුම් කළ ඇති බවත් ජාතික ලේකම්වරයා වැඩි දුරටත් සඳහන් කර තිබෙනවා.
