තමා ඉදිරි ජනාධිපතිවරණයට ඉදිරිපත් වීමට සූදානම් බව කෝටිපති ව්යාපාරික ධම්මික පෙරේරා මහතා පවසනවා.
ඒ සඳහා වන තීරණය පොදු ජන පෙරමුණ විසින් ලබා ගත යුතු බව ඔහු සඳහන් කළා.
ඔහු මේ බව පැවසුවේ කොළඹ රොස්මිඩ් පෙදෙසේ දී ශ්රී ලංකා පොදු ජන පෙර්මුණේ වෘත්තීය කාර්යාලයක් විවෘත කිරීමේ අවස්ථාවට එක් වෙමින්.
“මම දේශපාලනයට එන්න සූදානම්. ලංකාවේ තියෙන ලොකුම දේශපාලන පක්ෂය තීරණය කරන්න ඕන කවුද ජනාධිපතිවරණයට එන අපේක්ෂකයා කියලා. මම ස්ටේජ් එකට ආවොත් ආර්ථිකය හදන වැඩපිළිවෙළ මම කියන්න ඕන. මං මේ දවස්වල ඒ වැඩපිළිවෙළ හදමින් ඉන්නවා. පොදු ජන පෙරමුණට භාරයි කවුද එන්නේ කියන එක තීරණය කරන එක. අපිට දවස් 60 ක් ඇති.ආර්ථිකය හදන හැටි පහැදිලි කරලා ඡන්දෙ දාන්නේ නැති ටිකත් මේ පැත්තට හරවගන්න”
