පාර්ලිමේන්තු මන්ත්‍රී දයාසිරි ජයසේකර මහතා ශ්රී ලංකා නිදහස් පක්ෂයේ මහලේකම් ධුරය දරන බව පවසමින් පක්ෂ මූලස්ථානය ඉදිරිපිටදී එම පක්ෂයේ මහලේකම්වරයා ලෙස අද (ජුලි 05) වැඩ භාර ගැනීම සිදු කළා.
ජයසේකර මහතා මූලස්ථානයෙන් පිටත රාජකාරී ආරම්භ කළේ පොලිසිය විසින් ඔහුට ගොඩනැගිල්ලට ඇතුළු වීම වැළැක් වූ බැවිනි.
මේ අතර, පාර්ලිමේන්තු මන්ත්‍රී දයාසිරි ජයසේකර මහතා අද පෙරවරුවේ පැමිණීමත් සමඟ කොළඹ 10 ඩාර්ලි පාරේ පිහිටි ශ්රී ලංකා නිදහස් පක්ෂ මූලස්ථානය ඉදිරිපිට නොසන්සුන්කාරී තත්ත්වයක් වාර්තා වුණා.
පසුගිය සතියේ පාර්ලිමේන්තු මන්ත්‍රී දයාසිරි ජයසේකර මහතා පක්ෂ සාමාජිකත්වයෙන් සහ මහලේකම් ධූරයෙන් නෙරපා හැරීමට ශ්‍රීලනිප ගත් තීරණයට එරෙහිව කොළඹ දිසා අධිකරණය විසින් අතුරු නියෝගයක් නිකුත් කිරීම හේතුවෙන් තමන් තවමත් පක්ෂයේ නීත්‍යානුකූල මහ ලේකම්වරයා බව ජයසේකර මහතා සඳහන් කර තිබෙනවා.
