ශ්රී ලංකා ක්රිකට් (SLC) හි අන්තර්කාලීන ප්රධාන පුහුණුකරු ලෙස සනත් ජයසූරිය පත් කර තිබෙනවා.
ඒ අනුව ශ්රී ලංකා ක්රිකට් ආයතනය හිටපු පුහුණුකරු ක්රිස් සිල්වර්වුඩ් වෙනුවෙන් ස්ථිර අනුප්රාප්තිකයෙකු සොයාගන්නා තෙක් සනත් ජයසූරිය වැඩ බලන ශ්රී ලංකා ක්රිකට් පුහුණුකරු ලෙස නම් කර ඇති බව වාර්තා වෙනවා.
පසුගිය දෙසැම්බරයේ ශ්රී ලංකා ක්රිකට් ආයතනයේ පූර්ණ කාලීන “ක්රිකට් උපදේශක” ලෙස පත් වූ දා සිට, ජයසූරිය ඛෙත්තාරාම හි ඉහළ කාර්ය සාධන මධ්යස්ථානයේ ක්රීඩකයින් සහ පුහුණුකරුවන් යන දෙඅංශයේම අධීක්ෂණයට ක්රියාකාරීව සම්බන්ධ වී සිටියි.
ජයසූරිය තාවකාලිකව එම තනතුරට පත්වන අතර ස්ථිර ප්රධාන පුහුණුකරුවෙකු තෝරාගැනීම සඳහා වන මෙහෙයුම් දිගටම පවතිනු ඇති බව ද ශ්රී ලංකා ක්රිකට් ආයතනය නිවේදනය කර තිබෙනවා.
ශ්රී ලංකාවේ ක්ෂණික අවධානය යොමු වනු ඇත්තේ ඉන්දියාවට එරෙහිව එක්දින තරග තුනක් සහ විස්සයි20 තරග තුනක් ඇතුළත් තරග හයකින් සමන්විත සීමිත ඕවර තරගාවලිය සහ ඉන් අනතුරුව එංගලන්තයේ පැවැත්වෙන තරග තුනකින් සමන්විත ටෙස්ට් තරගාවලියකි.
