රාජ්‍ය අංශයේ සේවා නියුක්ත මුළු සේවක සංඛ්‍යාව 2022 වර්ෂයට සාපේක්ෂව 2023 වර්ෂයේ දී සියයට 2.9කින් අඩුවී ඇති බැව් මුදල් අමාත්‍යාංශය විසින් නිකුත් කර ඇති වාර්තාවක සඳහන් වෙනවා.
ඉකුත් වර්ෂය (2023) අවසානය වන විට රාජ්‍ය අංශයේ සේවා නියුක්ත මුළු සේවක සංඛ්‍යාව 1,353,860කි.
නව බඳවා ගැනීම් තාවකාලිකව නතර කිරීම, නව තනතුරු ඇති කිරීම අඩු කිරීම සහ විශ්‍රාම ගැන්වීම රාජ්‍ය අංශයේ සේවයේ නියුතු සේවක සංඛ්‍යාව 2023 වර්ෂයේ දී අඩුවීමට හේතුවී ඇති බවයි එම වාර්තාවේ දැක්වෙන්නේ.
එමෙන්ම ඉකුත් වර්ෂය (2023) අවසානය වන විට අනුමත කළ මුළු තනතුරු සංඛ්‍යාව අනුව සේවක සංඛ්‍යා උපයෝජන අනුපාතය සියයට 77කි.
2022 වර්ෂය හා සැසඳීමේ දී එය සියයට හතරක අඩුවීමක් බව වාර්තාව පවසනවා.
