ජනප්‍රිය දකුණු කොරියානු නිළි Lee Young-ae රංගනයෙන් දායක වූ දකුණු කොරියානු ඓතිහාසික නාට්‍ය Jewel In The Palace (2003 සිට 2004 දක්වා) ජාතික රූපවාහිනිය ඔස්සේ සුජාත දියණී ලෙස විකාශය වූ නාට්‍ය මාලාවේ දෙවැනි කොටසෙහි රූගත කිරීම් මේ වන විට ආරම්භ කර තිබෙනවා.
රජ මාළිගයක කෝකියකුගේ සිට සිට රාජකීය වෛද්‍යවරයා දක්වා යන කාන්තාවක් වන Jang-geum-‘ චංගුමී’ ලෙස රඟපෑ Lee Young-ae එම චරිතයම පදනම් කරගත් නව නාට්‍යයේ ද කටයුතු කරන බව Fantagio Entertainment සමාගම ජනවාරි මාසයේදී නිවේදනය කර තිබුණා.
කාන්තා වෛද්‍යවරියක් වන Dae Jang Geum ගේ කතාව ඔක්තෝබර් මාසයේ රූගත කිරීම් ආරම්භ කර 2025 මුලදී විකාශය කිරීමට නියමිතයි.
Jewel In The Palace කතා මාලාව Dae Jang Geum ලෙසද හැඳින්වෙන අතර ශ්‍රී ලාංකික ප්‍රේක්ෂකයින් අතර ජනප්‍රිය වුණේ ‘සුජාත දියණී හෙවත් චංගුමී’ ලෙසයි.
ප්‍රථම කතාමාලාවේ ප්‍රධාන චරිතය නිරූපනය කළ ලී, එවකට 32 වැනි වියේ පසු වූ අතර මේ වන විට ඇගේ වසය අවුරුදු 53 ක්.
මෙම කතා මාලාව ඔස්සේ ඇය ආසියාව පුරා ජනප්‍රිය නමක් බවට පත් වුණා.
ඇයමේ වන විටත් දෙවැනි අදියරේ රූ ගත කිරීම්වලට සහභාගී වී සිටින අතර වසර 21කට පසුවත් ඇගේ රූපය අබමල් රේණුවකින් හෝ අඩු වී ඇති බවක් නම් පෙනෙන්නට නැහැ.
