දෙමළ දේශපාලනයේ නූතන පිය චරිතය චරිතය ලෙස සැලකෙන රාජවරෝතියම් සම්බන්ධන්ගේ මරණයෙන් පසු දෙමළ ජාතික සන්ධානයේ (TNA) ඊළඟ නායකත්වය සම්බන්ධයෙන් පක්ෂ අභ්‍යන්තරයේ ගැටුම් හට ගෙන ඇති බව ආරංචි මාර්ග සඳහන් කරයි.
දෙමල ජාතික සන්ධානයේ පාර්ලිමේන්තු කණ්ඩායමේ නායකයා ලෙස ඒබ්‍රහම් සුමන්තිරන් එම තනතුරට පත් කළ යුතු බව එක් කණ්ඩායමක් පවසන අතර තවත් ප්‍රබල කන්ඩායමක් සෙල්වම් අඩෙයිකලනාදන්ට පක්ෂව සිටියි.
ඒ ජනවාරි 21 වැනිදා ත්‍රිකුණාමලයේදී ඉලංගෙයි තමිල් අරසුකච්චි (ITAK) පැවති නායකත්ව නිලවරණය උසාවියේදී අභියෝගයට ලක්වෙමින් පවතින අවස්ථාවකය.
මේ අතර ජනාධිපතිවරණය සඳහා පොදු අපේක්ෂකයකු ඉදිරිපත් කිරීම සඳහා ද තවත් පිරිසක් කටයුතු කරමින් සිටින බව වාර්තා වෙනවා.
ඒ අනුව දෙමළ ජාතික සන්ධානය කණ්ඩායම් කිහිපයකට බෙදී යාම තුළ එළැඹෙන ජනාධිපතිවරණයේ දී උතුර නැගෙනහිර සුළු ජාතික ඡන්ද දකුණේ අපේක්ෂකයින් අතර බෙදීයාම ද අවිනිශ්චිත තත්ත්වයක පවතින බව දේශපාලන ආරංචි මාර්ග වැඩි දුරටත් සඳහන් කර තිබෙනවා.
