පොලී රහිත ශිෂ්‍ය ණය යෝජනා ක්‍රමයක් ලබාදීමට අධ්‍යාපන අමාත්‍යාංශය තීරණයකට එළැඹී තිබෙනවා.
එම අමාත්‍යාංශය සඳහන් කරන ආකාරයට මෙම යෝජනා ක්‍රමයේ අරමුණ වන්නේ රාජ්‍ය විශ්වවිද්‍යාලවලට ඇතුළත් වීමට නොහැකි උසස් පාසල් උපාධිධාරීන්ට රාජ්‍ය නොවන උසස් අධ්‍යාපන ආයතනවල උපාධි හැදෑරීමට උපකාර කිරීමයි.
මෙම යෝජනා ක්‍රමය 2017 අයවැය යෝජනාවල කොටසක් බව අමාත්‍යාංශය නිවේදනයයක් නිකුත් කරමින් පවසා තිබෙනවා..
මෙම ණය යෝජනා ක්‍රමය යටතේ සිසුන්ට රු. 800,000 ක් දක්වා මුදලක් කිසිදු පොලියක් අය කිරීමකින් තොරව ලබා ගැනීමේ හැකියාව පවතී.
මේ වන විට අමාත්‍යාංශය විසින් අනුමත කරන ලද රාජ්‍ය නොවන ආයතන 17ක උපාධි පාඨමාලා 100ක් හැදෑරීම සඳහා විවිධ කණ්ඩායම් හතක සිසුන් 17,313 දෙනෙකුට මෙම පොලී රහිත ණය ලබා දී ඇති බව වැඩි දුරටත් සඳහන් වී තිබෙනවා.
