මේ දිනවල පැවැත්වෙන ශ්රී ලංකා ප්රිමියර්ලීග් (LPL) තරගාවලිය අතරතුර නුවර කණ්ඩායමට නායකත්වය දෙන වනිදු හසරංගට රු ලක්ෂ 11 ක දඩයක් නියම කර තිබෙනවා.
එම දඩ මුදල ගෙවීමට ඔහුට නියම කර ඇත්තේ තරග නීති උල්ලංඝනය කරමින් ක්රීඩා ඇඳුම් හා උපකරණ භාවිතා කිරීමේ චෝදනාව මතයි.
තරගාවලියට එක්වන සියලුම ක්රීඩකයන්ට තම කණ්ඩායමට අයත් ඇඳුම් හා උපකරණ ලබා දී තිබියදී වනිදු හසරංග ඊට අදාළ නොවන ලාංඡනයක් සහිත හෙල්මටයක් පැළඳ ක්රීඩා කිරීම හේතුවෙන් මෙම පියවර ගෙන ඇති බවයි වාර්තා වන්නේ.
ඔහු එම හෙල්මටය පැළඳ ක්රීඩා පිටියට පැමිණි අවස්ථාවේ විනිසුරුවා එය ඉවත් කර වෙනත් හෙල්මටයක් පලදින ලෙස උපදෙස් දී ඇතත් වනිදු විනිසුරු තීරණයට අවනත නොවීම හේතුවෙන් මෙම දඩ මුදල නියම කීරිමට කටයුතු කර තිබෙනවා.
