තම නිවස අවට හා ඒ ආසන්න ප්‍රදේශය පුරා රාත්‍රී කාලයේ සන්නද්ධ කල්ලියක් යතුරු පැදිවලින් ගමන් කරන බව ඉලංගෙයි තමිල් අරුසු කච්චි නායක දෙමළ සන්ධාන පාර්ලිමේන්තු මන්ත්‍රී එස්. ශ්‍රීදරන් මහතා පවසා තිබෙනවා.
මෙම යතුරුපැදිකරුවන් රෙදි වලින් හිස් ආවරණය කරගෙන හිස්වසුම් පැළඳ ගමන් කරන බව තම නිවසේ කැමරා පද්ධතියේ සටහන් වී ඇතැයිද හෙතෙම කියා සිටියා.
මේ සම්බන්ධයෙන් පොලිසියට පැමිණිලි කිරීමෙන් ඵලක් නැති බවද ඔහු පවසනවා.
මීට පෙර මේ සම්බන්ධයෙන් කළ පැමිණිල්ලෙන් පසු ආරක්ෂක අංශ සාමාජිකයන් දෙසීයක් පමණ තම නිවසට කඩා වැද නිවස පරීක්ෂා කළ බවද සඳහන් කළා.
පොලිසියට තමන් මේ බව ප්‍රකාශ නොකළද තම අනාරක්ෂිතභාවය හා ජීවිත තර්ජන සම්බන්ධයෙන් කතානායකවරයාට ලිඛිතව දන්වා යවන ලද බව ඔහු පාර්ලිමේන්තුවේදී ප්‍රකාශ කර තිබෙනවා.
