ශ්රී ලංකා පොදුජන පෙරමුණේ මන්ත්රීවරුන් වන ලලිත් එල්ලාවල සහ වෛද්‍ය තිලක් රාජපක්ෂ යන මහත්වරු විපක්ෂ නායක සජිත් ප්‍රේමදාස මහතාගේ නායකත්වයෙන් යුත් සමගි ජන බලවේගයට සහයෝගය දක්වන බව ඊයේ (11) දින විශේෂ මාධ්‍ය හමුවක් පවත්වමින් පැවසුවා.
එම මන්ත්රීවරුන් මේ වන විට ශ්රී ලංකා පොදුජන පෙරමුණෙන් ඉවත්ව ස්වාධීන මන්තී‍්‍රවරුන් ලෙස කටයුතු කරනු ලබයි.
“හොරු නොවන අපි” ලෙස නව සන්ධානයක් ද ආරම්භ කරන බව මෙහිදී ලලිත් එල්ලාවල මහතා සඳහන් කර තිබෙනවා.
මේ අතර නිදහස ජනතා සභාවේ සාමාජික මහාචාර්ය චරිත හේරත් මහතාට සමගි ජන බලවේගය කුරුණෑගල කටුගම්පොළ සමගි ජන බලවේගය ආසන සංවිධායක ධුරය ලබා දීමට විපක්ෂ නායක සජිත් ප්‍රේමදාස මහතා පියවර ගෙන ගෙන තිබෙනවා.
2015 පැවැති මහ මැතිවරණයේදී ජනතා විමුක්ති පෙරමුණේ ජාතික ලැයිස්තු අපේක්ෂකයකු ලෙසත් 2020 මහ මැතිවරණයේදී එක්සත් ජාතික පක්ෂ කොළඹ දිස්ත‍්‍රික් අපේක්ෂකයකු ලෙසත් ඉදිරිපත් වූ නීතිඥ ක‍්‍රිෂ්මාල් වර්ණසූරිය මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය සමග එක්ව තිබුණා.
