ඉදිරි සති දෙක තුන ඇතුළත පාර්ලිමේන්තුවේ විවිධ පක්ෂ නියෝජනය කරන කණ්ඩායම් 10 ක් පමණ ඒකාබද්ධ කරගනිමින් සමගි ජන සන්ධානය පිහිටුවන බව සමගි ජන බලවේගයේ මහ ලේකම් රංජිත් මද්දුම බණ්ඩාර මහතා පවසනවා.
ඒ අනුව ජනාධිපතිවරණය එළැඹෙන විට මන්ත්‍රීවරුන් 75 ක් වැනි ප්‍රමාණයක් සමගි ජන බලවේගය හා එක්වනු ඇති බව ඔහු පවසා සිටියා.
මේ වන විට සිදු කර ඇති සමීක්ෂණවලට අනුවද සමගි ජන බලවේගය ආසන 130ක් ජයග්‍රහණය කරනු ඇති බවයි ඒ මහතා සඳහන් කළේ.
එමෙන්ම කිසිසේත්ම ජනාධිපතිවරණය කල් දැමීමේ හැකියාවක් නැති බවත් සජිත් රනිල් එක් වීමක් සිදුවන්නේ නැති බවත් ඔහු පවසා තිබෙනවා.
ඔහු මේ බව ප්‍රකාශ කළේ රූපවාහිනී ප්‍රවෘත්ති වැඩසටහනක් අතරතුර මාධ්‍යවේදියකු විමසූ කරුණුවලට පිළිතුරු දෙමින්.
මේ වන විට රැල්ල පවතින්නේ සජිත්ට බව ද මහලේකම්වරයා සඳහන් කර සිටියා.
