ශ්‍රී ලංකාව සමඟ පැවැත්වෙන සීමිත පන්දුවාර තරගාවලියේ කාලසටහනෙහි වෙනස්කම් කිහිපයක් ඉන්දීය ක්‍රිකට් පාලක මණ්ඩලය (BCCI) මඟින් නිවේදනය කර තිබෙනවා.
ඒ අනුව ශ්‍රී ලංකාව හා ඉන්දියාව අතර පළමු විස්සයි20 තරගය පල්ලෙකැලේ හිදී ආරම්භ වන්නේ ජුලි 27 වැනිදාය. එය මීට පෙර ජුලි 26 ආරම්භ කිරීමට සැලසුම් කර තිබුණා.
විස්සයි20 තරග තුන පැවැත්වෙන්නේ පල්ලෙකැලේ ක්‍රීඩාංගනයේ දීය.
එසේම අගෝස්තු 1 වැනිදා ආරම්භ වීමට නියමිතව තිබූ එක්දින තරගමාලාව එක් දිනකින් කල් දමා ඇති අතර එය අගෝස්තු 2 වැනිදා ආරම්භ වීමට නියමිතයි.
දෙවැනි සහ තෙවැනි එක්දින තරග පිළිවෙලින් අගෝස්තු 4 සහ 7 යන දිනවල පැවැත්වේ.
