ජනපති රනිල් වික්‍රමසිංහ මහතා මොන ගැට ගැසූව ද ජනාධිපතිවරණය වැළැක්වීමට ජාතික ජන බලවේගය ඉඩ නොතබන බව එහි නායක අනුර කුමාර දිසානායක මහතා පවසනවා.
මේ 17 වෙනි දා වන විට ජනාධිපතිවරණය ප්‍රකාශය කිරීමේ බලය මැතිවරණ කොමිෂන් සභාව සතු වන අතර ඉන් පසු නාම යෝජනා කැඳවීමත් බොහෝ විට ඔක්තෝබර් 05 වැනිදා ජනාධිපතිවරණය පැවැත්වෙනු ඇති බවයි ඔහු සඳහන් කළේ.
ඔහු මේ බව පැවසුවේ දඹුල්ලේ පැවති ජාතික ජන බලවේගයේ රැලියක් අමතමිනි.
ඔහු එහි දී මෙසේ සඳහන් කර සිටියා.
ගැට පිට ගැට ගැසුව ද වැඩක් වෙන්නෙ නෑ. ලේනව කියල කෙනෙක් ගෙනාව. ලක්ෂයක් දඩ ගැහුවා. දැන් තව එක්කෙනෙක් ගෙනැල්ල තියෙනවා. එයාට ලක්ෂයක් ගහලත් මදි වෙයි වගේ. මොන ගැටේ ගැහුවත් වැඩක් වෙන්නෙ නෑ. ලබන 17 වෙනිදා මැතිවරණ කොමිසමට බලය එනවා. අන්තිමේ රනිල්ට ඉතුරු වෙන්නෙ එයාගෙ ටයි එකේ ගැටේ විතරයි.
