අයිශ්වර්යා රායි හා බච්චන් හා අභිෂේක් බච්චන්ගේ පෞද්ගලික ජීවිතය නිතර කතාබහට ලක්වන්නකි.
මේ වන විට පැතිර යන ආරංචි නම් එතරම් සුබදායී නැති අතර ඒවායින් කියවෙන්නේ ඔවුන්ගේ විවාහ ජීවිතය දෙදරා ගොස් ඇති බවයි.
අයිශ්වර්යා ඇගේ නැන්දම්මා වන ජායා බච්චන් සමඟ ඇති කරගත් ගැටලුකාරී තත්‍ත්වයක් මත ජල්සා නිවස අතහැර ගොස් ඇති බවට කටකතා ද මේ වන විට පැතිර යමින් තිබෙනවා.
එම කටකතා තහවුරු වීමක් පසුගිය සිකුරාදා ආනන්ත් අම්බානි සහ රාධිකා මර්චන්ට්ගේ විවාහ මංගල්‍යය අතර සිදු වුණු අතර එම අවස්ථාවට බච්චන් පවුල පැමිණියේ වෙනමයි.
අයිශ්වර්යා සහ දුව ආරධ්‍යා වෙනම එයට සහභාහී වූ අතර අභිෂේක් සහභාහී වී සිටියේ ඔහුගේ බච්චන් පවුලේ උදවිය සමඟයි.
මෙය බොලිවුඩ් ප්‍රේක්ෂකයින් කම්පනයට ලක් කළ අතර අභිෂේක්ගේ ක්‍රියාකලාපය ගැටලු සහගත බවයි ඔවුන් සඳහන් කළේ.
මොනවා වුණත් අභිෂේක් නියම පිරිමියෙක් නම් ඔහු සිටගත යුතුව තිබුණේ අයිශ්වර්යා සහ සිය දරුවාගේ පැත්‍තෙන් යයි බොහෝ දෙනෙක් අදහස් පළකර තිබුණා.
කෙසේ වෙතත් අයිශ්වර්යා රායි බච්චන් සහ අභිෂේක් බච්චන් ආනන්ත් සහ රාධිකාගේ විවාහ මංගල්‍යයේ අභ්‍යන්තර දසුන් වලදී එකට සිටිනු දක්නට ලැබුණා.
නමුත් එය නාමික පෙනී සිටීමක් පමණක් බව ඉන්දීය මාධ්‍ය වාර්තා කර තිබෙනවා.
