ව්‍යාපාරික මුකේෂ් අම්බානිගේ පුත් ආනන්ත් අම්බානි සහ රධිකා මර්චන්ට් විවාහ මංගල උත්සවයේ දී ආනන්ත් ෂාරුක් ඛාන් රන්වීර් සිං සහ ඔහුගේ යහළු මනාළයන් ඇතුළු පිරිසකට එකක් ඉන්දියානු රුපියල් කෝටි 2 ක් වටිනා අත් ඔරලෝසු ත්‍යාග කර තිබෙනවා.
මෙම විවාහ මංගල්‍යය ඉතා උත්කර්ෂවත් උත්සවයක් වූ අතර, බොහෝ ඉහළ පෙළේ පුද්ගලයින් ඊට එක්ව සිටියා.
එහිදී මෙම ත්‍යාග අගය කිරීමේ සංකේතයක් ලෙස ලබා දී ඇති බවයි පැවසෙන්නේ.
මෙම ඔරලෝසුව මිල අධික සන්නාමයක සීමිත සංස්කරණයක් බව සඳහන් වෙනවා.
අන්තර්ජාලයේ නිකුත් වී ඇති වීඩියෝ සහ ඡායාරූපවල ෂාරුක් ඛාන් ඇතුළු අය Audemars Piguet සුඛෝපභෝගී ඔරලෝසු සමඟ පෙනී සිටින අයුරු දැකගත හැකි වුණා.
