අනුෂ්කා ෂර්මා සහ විරාත් කෝලි ඔවුන්ගේ පෞද්ගලිකත්වය ආරක්ෂා කර ගැනීමේ උත්සහයක් ලෙස ඉන්දියාව අතහැර ස්ථිරවම ලන්ඩනයට පදිංචියට යාමට සූදානම් වන බව ඉන්දීය මාධ්ය වාර්තා පවසනවා.
පසුගිය වසරේ අනුෂ්කා කළ ප්රකාශයකින් ද ඒ පිළිබඳ ඉඟි පළ වුණා.
“මම රංගනයට කැමතියි, නමුත් මම කලින් කළා වගේ වැඩිපුර චිත්රපට කරන්න කැමති නැහැ. මට ඕන අවුරුද්දකට එක චිත්රපටියක් කරන්න, මම කැමති රංගන ක්රියාවලිය රසවිඳින්න සහ මම ඉන්න විදිහටම මගේ ජීවිතය සමබර කරගෙන පවුලට කාලය දෙන්න.”
කෝලි ද පැවසුවේ “අපි රටේ හිටියේ නැති පසුගිය මාස දෙකේ හරිම සාමන්ය හැඟීමක් දැනුණා. මටත් මගේ පවුලටත් එය අති යථාර්ථවාදී අත්දැකීමක් වුණා. පවුල සමඟ කාලය ගත කිරීමට අවස්ථාව ලැබීම ගැන දෙවියන් වහන්සේට ගොඩක් ස්තූතිවන්ත විය යුතුයි. පාරේ යන තවත් පුද්ගලයෙකු වීම සහ හඳුනා නොගැනීම පුදුමාකාර අත්දැකීමක්”
විරාත් කෝලි සහ අනුෂ්කා ෂර්මා පෙබරවාරි මාසයේ ලන්ඩන් නුවරදී ඔවුන්ගේ දෙවන බිළිඳා වන අකායිව පිළිගත්තා.
මෙම යුවළ එක්සත් රාජධානියට පිටත්ව ගියේ ද දරුවා බිහි කිරීමේ කටයුතු අතිශය පෞද්ගලිකව තබා ගැනීමට අවශ්ය වූ නිසයි.
විරාත් කෝලි සහ බොලිවුඩ් නිළි අනුෂ්කා ෂර්මා ඔවුන්ගේ දෙවන දරුවා වන අකායිගේ උපත පෙබරවාරි 20 වන දින Instagram හරහා ප්රකාශ කර තිබුණා.
