ජනාධිපතිවරණ සමයේදී අපේක්ෂකයින්ට ඇමෙරිකානු පන්නයේ ප්රහාර එල්ල විය හැකි බව පෙන්වා දෙමින් විපක්ෂ නායක සජිත් ප්රේමදාස මහතාගේ ආරක්ෂාව තර කරන ලෙස සමගි ජන බලවේගය රජයෙන් ඉල්ලීමක් කර තිබෙනවා.
සෙනසුරාදා පෙන්සිල්වේනියාවේ පැවති ජනහමුවක් අතරතුර හිටපු ඇමරිකානු ජනාධිපති ඩොනල්ඩ් ට්රම්ප් මරාදැමීමට ගත් උත්සාහය ගැන දැනගත් වහාම සජිත් ප්රේමදාසගේ ආරක්ෂාව තර කරන ලෙස තමන් රජයට පැවසූ බව සජබ පාර්ලිමේන්තු මන්ත්රී ඉරාන් වික්රමරත්න අද (14) මාධ්ය හමුවකදී පැවසුවා.
සජිත් ප්රේමදාස මහතාගේ ආරක්ෂාව පිළිබඳ වගකීම රජය සතු බැවින් ඔහුගේ ආරක්ෂාව වැඩි කරන ලෙස රජයෙන් ඉල්ලා සිටින බවයි ඔහු වැඩි දුරටත් සඳහන් කළේ.
