“භාවනාව… ඇත්තටම බලවත්, භයානක විය හැකියි. එය ඔබගේ යටි සිතේ ඇති පාපිස්ස ඉහලට ඔසවන අතර දූවිලි පිටතට පියාසර කරයි.”- අමන්දා පාමර්
මොළය හා අපගේ බඩවැල් වල සිටින ක්ෂුද්‍ර ජීවීන් අතර සම්බන්ධය ද්වී මාර්ග එකකි.
අපගේ බඩවැල් අතර සිටින ක්ෂුද්‍ර ජීවින්ට අපගේ මනසට බලපෑම් කළ හැකි අතරම මනසට ද එම ක්ෂුද්‍ර ජීවීන්ට බලපෑම් කළ හැකියි.
බඩවැල්-මොළයේ අක්ෂයට සම්බන්ධ වන ප්රධාන මාර්ග අපි දැනටමත් දන්නවා. ඒවාට ස්නායු පද්ධතිය, ප්රතිශක්තිකරණ පද්ධතිය සහ අන්තරාසර්ග (හෝමෝන) පද්ධතිය ඇතුළත්.
නමුත් කුඩා ක්ෂුද්‍ර ජීවීන් අපගේ මොළයට බලපෑම් කළ හැකි බව සිතීම තරමක් අසීරුයි. අපගේ මොළය ක්ෂුද්‍ර ජීවීන්ටද බලපෑම් කළ හැකි බව ඊටත් වඩා අමුතු දෙයක්.
කෙසේ වෙතත්, මෙය සැබෑ සංසිද්ධියක් බව මේ වන විට තහවුරු කරගෙන තිබෙනවා. ෂැංහයි පදනම් කරගත් පර්යේෂකයින් කණ්ඩායමක් වාර්තා කර ඇත්තේ සංජානන චර්යා චිකිත්සාව අපගේ අන්ත්‍ර වල සිටින ක්ෂුද්‍ර ජීවීන්ට බලපෑම් කළ හැකි අතර කුපිත වූ බඩවැල් සින්ඩ්‍රෝමය (IBS) යන රෝගී තත්ත්වය සුවපත් කිරීමට පවා හැකියාව පවතින බවයි.
ෂැංහයි හි පර්යේෂකයන් වාර්තා කර ඇති ආකාරයට භාවනාව බඩවැල් ක්ෂුද්‍ර ජීවීන් අතර මනා සම්බන්ධතාවයක් ඇති බව තහවුරු වී තිබෙනවා. ඔවුන් බෞද්ධ භික්ෂූන් දෙස බලා ඔවුන්ගේ බඩවැලේ ක්ෂුද්‍ර ජීවීන් භාවනා නොකරන පුද්ගලයින්ගේ ක්ෂුද්‍ර ජීවීන් සමඟ සංසන්දනය කළ අතර ඔවුන්ගේ ක්ෂුද්‍රජීවී සංයුතියේ වෙනස්කම් අනාවරණය කර ගෙන තිබෙනවා.
විශේෂයෙන්ම ප්‍රෙවෝටෙල්ලා, මෙගාමොනාස් සහ ෆෙකාලිබැක්ටීරියම් ඇතුළු කුල කිහිපයක් භාවනානුයෝගීන් තුළ පොහොසත් වී ඇති බව මෙහි දී අනාවරණය වුණා.
අධ්‍යයනයේ කතුවරුන් පවසන්නේ, “භික්ෂූන් වහන්සේලාගෙන් පොහොසත් වූ ක්ෂුද්‍රජීවය කාංසාව, මානසික අවපීඩනය සහ හෘද වාහිනී රෝග ඇතිවීමේ අවදානම අඩු කරන අතර ප්රතිශක්තිකරණ ක්‍රියාකාරිත්වය වැඩි දියුණු කළ හැකි බවයි.
හොඳ ක්ෂුද්‍ර ජීවීන්ගේ වර්ධනය ඔබේ බඩවැලේ ඇති ව්යාධිජනක බැක්ටීරියා ඉවත් කරයි. විෂ ද්රව්ය ඉවත් කර වඩා හොඳ සෞඛ්යයක් ඇති කරයි.
එමගින් අපගේ ශරීරයේ සෑම ඉන්ද්‍රියයකටම පොම්ප කරන විෂ ද්රව්ය සහ බැක්ටීරියා රුධිර ප්‍රවාහයට ඇතුළු වීමට ඉඩ සලසන “කාන්දු වීම” වළක්වනු ලබනවා.
මෙම සොයා ගැනීම, වැඩිදුර පර්යේෂණ වලදී සනාථ වුවහොත්, භාවනාව බඩවැල්-මොළයේ අක්ෂය එහි උච්චතම ස්ථානයේ තබා ගැනීම සඳහා නිරෝගී උපාය මාර්ගයක වැදගත් කොටසක් බවට පත් වේවි.
භාවනාවට සමගාමීව සෞඛ්‍ය සම්පන්න මධ්‍යධරණී විලාසිතාවේ ආහාර වේලක් ගැනීම ඔබ ට සතුටින් හා මානසිකව අවදියෙන් සිටීමේ අනෙක් මාර්ගයයි.
නූතන ආතතිය සමඟ කටයුතු කිරීම ඒ අනුව හිතුවාට වඩා පහසු විය හැකියි.
